ငါ့အတွက်ဆိုလျှင်
ဧဒင်ဥယျာဉ်ထဲက
ပန်းသီးတစ်စိတ်လဲ မင်းခိုးပေးစရာမလိုဘူး။ ။
ငါ့ဖို့ဆိုလျှင်
သံယောဇဉ်မကင်းတဲ့အကြည့်တွေလဲ
မင်းဖန်တီးပေးစရာမလိုဘူး။ ။
ကုန်ကုန်ပြောမယ်
ငါ့ကိုလွှတ်ချပစ်ခဲ့တဲ့ အဲ့ဒီ့နေရာကိုလဲ
မင်း.... ပြန်လာပေးစရာမလိုဘူး ။ ။
ငါရပ်တည်ရာ အသိုင်းအ၀ိုင်းတစ်ခုလုံးကို
ပြက္ခဒိန်တစ်ခုစာ ခေါင်းငုံ့နေရတာ
စောင့်နေပေးပါ ပြောပြီး ပျောက်သွားတဲ့မင်း
ဘယ်ကိုယ်ချင်းစာတတ်ပါ့မလဲ ။ ။
လွဲနေမှန်းသိခွင့်ရမှ
ငါ့ရင်ထဲက အချစ်တွေနွံနစ်နေတာ
ဆယ်ယူမှာမဟုတ်တော့တဲ့...မင်း
ဘယ်သိပါတော့မလဲ ။ ။
မင်းပဲမှန်သလား.....
ငါပဲမှားသလား...
အချစ်ကပဲ နတ်ဆိုးဝင်ပူးခံရတာလား...
ငါ့ရင်ဘတ်ထဲမှာတော့ ကိုက်ခဲပြီးကျန်ခဲ့တယ် ။ ။
နောင်တ ဆိုတဲ့စကားကို
အရှက်ပြေရွတ်ကြည့်မိတဲ့အခါ
ပြင်ဆင်ခွင့်မရှိတဲ့
ငါ့ရဲ့အချစ်ကိုပဲ
ကြိုးတုပ်ရိုက်ပစ်ချင်မိတော့တယ် ။ ။
လွမ်းတယ် ဆိုတဲ့စကားကို
တိုက်ဆိုင်လို့ ရွတ်ကြည့်မိတဲ့အခါ
အချိန်နာရီမသိတဲ့
ငါ့ရဲ့အချစ်ကိုပဲ
ကျိန်ဆဲပစ်ချင်တော့တယ် ။ ။
ချစ်တယ် ဆိုတဲ့စကားကို
အလန့်တကြား ရွတ်ကြည့်မိတဲ့အခါ
အမှတ်မရှိတဲ့
ငါ့ရဲ့အချစ်ကို
ငါဟာ..အယူတိမ်းတဲ့
နတ်စိမ်းတစ်ကောင်ဖြစ်ကြောင်း
ဖြောင့်ချက်ပေးလိုက်တော့တယ် ။ ။
Su The Phyu