ဒီလိုနေ့မျိုးရဲ့ မနက် ၈နာရီမိနစ်သုံးဆယ်တိတိမှာ အင်္ဂါသမီးတစ်ယောက်အမေ့ဝမ်းက ဖွားမြင်ခဲ့တယ်။ အဲ့ဒီ့နေ့ မှာ အမေဘယ်လောက် များ ကိုယ်ချမ်းသာ၊ စိတ်ချမ်းသာနဲ့ ၀မ်းသာပီတိဖြစ်နေလိုက်မလဲ…..
၉လလုံးလုံး လွယ်ပိုးထားရတဲ့ ဒီကလေးရဲ့ဝန်၊ ချို၊ဖန်၊ငံ၊စပ်၊ခါး စားချင်ပါလျှက် မစားခဲ့ရဘဲ တံတွေးသာ မြိုချ ခဲ့ရတဲ့အမေ့အာသီသတွေ။ ကိုယ်ဝန်ဆောင်မိန်းမတစ်ယောက်က သင်္ချိုင်းကုန်းကို တစ်နေ့မျက်စောင်း သုံးခါမ ကလို့ အခါတစ်ရာပဲထိုးရ၊ထိုးရ အမေ့ရင်ကဖြစ်တဲ့သွေး အမေ့ကလေးကိုကျန်းမာပကတိနဲ့ ခြေလက် အစုံပါစေ ဖို့ပဲ ဘုရားမှာဆုအကြိမ်ကြိမ်တောင်းနေခဲ့ပါတယ် ဆိုတဲ့အမေ့အသွင်။
အင်္ဂါသမီးအတွက် သားဖွားမီးယပ်အမျိုးသမီးအိုဂျီနှဲ့အပ်ထားပြီးကာမှ အမျိုးသားဆရာဝန်နဲ့တဲ့တဲ့တိုးပြီး မွေးဖွားလာခဲ့ရတဲ့အဖြစ်။ ဆရာဝန်ကို ရှက်ကလဲရှက်၊ ဗိုက်ကလဲနာနှင့် ဝေဒနာကြာရှည်မခံရဘဲ မွေးဖွားလာ တဲ့ အနှီးထုပ်ထဲက ကလေးကိုနပ်စ်မယူလာပေးချိန်မှာတော့ ဆရာမလက်ထဲက ကလေးကို ခဏသာအမေ ကြည့်ပြီး “ကျွန်မကလေး မဟုတ်ဘူး” ဆိုကာဆရာမဆီပြန်ပေးသတဲ့။
ဆရာမကလဲ ဒီကလေးနဲ့ ဒီအမေမမှားပါဘူး အကြိမ်ကြိမ်ရှင်းပြ။ နောက်ဆုံးကလေးလက်ကောက်ဝတ်မှာ ပတ်ထားတဲ့ အဖေဘယ်သူ ၊ဘယ်ဌာနက၀န်ထမ်း၊ ဘယ်နှစ်ရက်၊ ဘယ်နှစ်နာရီတွင် မွေးဖွားသည်ဆိုတဲ့ စာ တန်းကိုပြတော့မှ အမေတွေဝေပြီး အနှီးထုပ်ထဲက ကလေးလက်ကိုအတင်းဖြည်ကြည့်ချိန်မှာတော့ အမေပြုံး နိုင်သွားပါပြီ။ “ဟုတ်တယ် ဒါကျွန်မကလေး” တဲ့။
ဘာကြောင့်များအမေကအင်္ဂါသမီးကို သူ့သမီးမဟုတ်ဘူးပြောသလဲဆိုတော့ အင်္ဂါသမီးကအစ်ကိုတွေ အစ် မတွေလိုထက် ပိုဖွံပြီးဖြူ ဖွေးဝကစ်နေလို့တဲ့။ ဒါပေမယ့် ကျစ်ကျစ်ပါအောင်ဆုပ်ထားတဲ့ အင်္ဂါသမီးရဲ့လက် တွေကို အမေဖြည်ကြည့်ချိန်မှာတော့ လက်မကလေးက လုံးဝန်းဖောင်းကြွမနေဘဲ အဖေတူလက်ပြားပြား လေး ဖြစ်နေခဲ့တယ်။
အင်္ဂါသမီးလသားအရွယ်ကတည်းက အအေးဒဏ်ကိုခံနိုင်ရည်မရှိပုံကို အမေပြောပြတာ ခုထိမှတ်မိနေပါ သေးတယ်။ မွှေ့ယာပေါ်နဖူးကိုအပ်၊ ခြေလက်တွေကိုရင်ဘတ်နဲ့ဖိပြီး မှောက်ယက်ကွေးကွေးလေး အိပ်နေတဲ့ အင်္ဂါသမီးကိုအမေကြည့်ပြီး ရယ်မိခဲ့သတဲ့။ သေးစိုလို့ လဲ မငို၊ ချမ်းအေးတော့လဲ ခပ်အေးအေးကွေးအိပ်နေတဲ့ အမေ့သမီးအင်္ဂါကို လူလည်မလေး (သို့) လူအေးမလေးလို့ အမေထင်ခဲ့ပုံပေါ်ပါ တယ်။ အမေသတိရတိုင်း အင်္ဂါ ရဲ့အဲ့ဒီ့ငယ်ဘ၀ကို ခဏခဏအမေပြောပြတတ်တယ်။
ဒါတင်လားဆိုတော့ မဟုတ်သေးပါဘူး။ အင်္ဂါသမီးက လူ့ဇောက်ထိုးလဲဖြစ်ပါသတဲ့။ သူများတွေချမ်းအေးလို့ နွေးနွေးထွေးထွေးနေချိန် ဆို အင်္ဂါက အင်္ကျီတို၊ဘောင်းဘီပြတ်နဲ့နေပြီး သူများတွေပူအိုက်နေရင် အင်္ဂါ တို့က ဘောင်းဘီရှည်၊ အင်္ကျီရှည်နဲ့ ချွတ်ခိုင်းလို့မရ ဇောက်ထိုးကျတဲ့အင်္ဂါပါ။
ဒါနဲ့လဲ မပြီးသေးပါဘူး။ နွေဘက်ရေရှားလို့ အစ်ကိုတွေ၊အစ်မတွေနဲ့ အမေတစ်ယောက်တစ်ထမ်းဆီ သယ်ယူဖြည့်ထားတဲ့ရေတွေကို အမေဈေးသွားနေတဲ့အခိုက် မှီရာရေသုံးဇလားလုံးကုန်အောင် ကိုယ့်ဖာသာ ကိုယ် လောင်းချိုးခဲ့သတဲ့။ အမေဈေးကအပြန် “ဘာလုပ် နေတာလဲ” လို့ အင်္ဂါ့ကိုရပ်ကြည့်နေတဲ့အစ်ကိုတွေကို မေးတော့ အစ်ကိုနှစ်ယောက်က အင်္ဂါ့ကိုလဲကြည့် အမေ့ဒေါသကိုလဲ ကြောက် ကြောက်နဲ့ “အိုက်လို့ရေချိုးနေ တာနဲ့တူတယ်”လို့ဖြေပေးကြတယ်။ အမေက “ရေချိုးတာ အ၀တ်အစားမချွတ်ဘဲ ချိုးရသလား” လို့လဲမေး ရော အစ်ကိုနှစ်ယောက်မှာဖြေစရာ အဖြေမရှိတော့ပါဘူး။ အင်္ဂါကတော့ အမေ့ကိုရီပြပြီး မျက်နှာချိုသွေးနေခဲ့ သတဲ့။ တစ်ကယ်တော့ အင်္ဂါက အိုက်လားမအိုက်လားလဲမသေချာ၊ အ၀တ်အစားချွတ်ပြီးမှ ရေချိုးရမှန်းလဲ မ သိသေးတဲ့အရွယ်။ ရေကစားချင်ရုံသက် သက်။
ကျောင်းနေတဲ့အရွယ်ရောက်တော့ အမေလက့်ကိုတွဲပြီး ကျောင်းကိုသွားတဲ့လမ်းတစ်လျှောက် ပျော်သ လောက် ကျောင်းတက်ခေါင်းလောင်းထိုးလို့ အမေလှည့်ပြန်သွားတာနဲ့ အမေ့ကျောကိုကြည့်ပြီး အသံကုန် အော်ငိုတတ်တဲ့အင်္ဂါ။ တစ်ရက်ကနေ နှစ်ရက်၊ နှစ်ရက်ကနေသုံးရက် အမေ့ကျောကိုကြည့် ငိုကောင်းနေတဲ့ အင်္ဂါ ကျောင်းအုပ်ဆရာမကြီးက ရုံးခန်းထဲခေါ်သွားပြီး စာအုပ်တွေထည့်တဲ့ ဘီဒိုကိုပြ “အငိုမတိတ်ရင် အဲ့ဒီ့ အ ထဲ ထည့်ထားမယ်” ဆိုမှ လုံးလုံးကြီး အငိုတိတ် ဘယ်တော့မှမငိုရဲတော့တဲ့အင်္ဂါ။
အစ်ကိုတွေအစ်မတွေကိုအင်္ဂါ့ရှေ့မှာ အမေဆူနည်းပေါင်းစုံထဲမှ တစ်ခုကတော့အင်္ဂါ့အတွက်မှတ်မှတ် ရရ ကိုရှိနေခဲ့တယ်။ “ဒီလောက် ဆိုးတဲ့ကလေးတွေ ဒီလိုမှန်းသာသိရင် မမွေးခဲ့ပါဘူး၊ ခုပြန်ထည့်လို့ရရင် ခုဗိုက် ထဲပြန်ထည့်ပြစ်တယ်”တဲ့။ အဆူခံရတဲ့အစ်ကိုဖြစ်ဖြစ် အစ်မဖြစ်ဖြစ် အမေ့ရှေ့မှာ မလှုပ်ဝံ့တဲ့အချိန်၊ ခဏလေး ဖြစ်ဖြစ်အပိုးကျိုးသွားကြတဲ့အချိန် အင်္ဂါက အမေ့နားကပ်ပြီးတိုးတိုး လေးမေးဖြစ်ပါ တယ်။ “အမေ့ဗိုက်ထဲကို ဘယ်လိုပြန်ထည့်မှာလဲ၊ ဗိုက်ထဲရောက်သွားရင် ဗိုက်ထဲမှာ အသက်ရှုကျပ်မှာပေ့ါ”လို့ဆိုတော့ ဒေါသထွက် နေတဲ့ အမေမရီဘဲ မနေနိုင်တော့ဘဲ၊ ရီသံကြီးနဲ့ပဲပြောပါတယ်… “ကပ်သီး ကပ်ဖဲ့” ကိုမေးတယ်တဲ့။
ဒီလိုနဲ့အစ်ကိုတွေအစ်မတွေက တဖြေးဖြေးအရွယ်ရောက်လာတဲ့ အင်္ဂါ့ကိုကလေးဘ၀ကလို အရောတ၀င် မနေကြတော့ဘဲဖာသိဖာသာ သူတို့ကိစ္စတွေနဲ့ သူတို့အလုပ်ရှုပ်နေကြတဲ့အခါ အင်္ဂါ့ရဲ့ ဆယ်ကျော်သက်အ ရွယ် ပျင်းစရာအချိန်ကို အမေကအပျင်းဖြေပေးပုံက သင်းပါ တယ်။ မြတ်မင်္ဂလာ၊နက္ခတရောင်ခြည်၊ တစ်ခြား ဘာသာပြန်ဝထ္တုမျိုးစုံကို သူ့ဘေးနားလှဲခိုင်းကာဖတ်ပြပြီး အကျင့်လုပ်ပေးပါတယ်။ ဒီလိုနဲ့ ပျင်းပျင်းရှိတိုင်း စာ အုပ်တွေရှာဖွေဖတ်ဖြစ်ခဲ့တဲ့ အင်္ဂါ။ စာတိုပေစ၊ သတင်းစာဖြတ်ပိုင်း၊ မုန့်ထုပ်တဲ့စက္ကူမှ ဖတ်၍ရသလောက်ကို ထမင်းစားရင်းလဲ စာဖတ်တယ်။ ကျောင်းစာဘေးချပြီးလဲ အပြင်စာဖတ်တယ်။ ကြာတော့ လပတ်စာမေးပွဲ တိုင်း အဆင့်ကတစ်ဆယ်ကနေ မဆင်းလဲမဆင်း၊တက်လဲ မတက်နဲ့ အမေစိတ်ဆိုးပါ တော့တယ်။
နွေရာသီ ကျောင်းပိတ်ရက်မှလွဲပြီး ဘာစာအုပ်မှဖတ်ခွင့်မရှိတဲ့ အခြေအနေဖြစ်လာတော့ သူများတွေက နွေ ကျောင်းပိတ်ရက်ရောက်ပြီဆိုရင် သင်္ကြန်ဆိုတဲ့အကြောင်းပြောနေသလောက် အင်္ဂါတို့ကနီးစပ်ရာ စာအုပ်အ ငှားဆိုင်တွေမှာ စာတွေရှာဖွေငှားဖတ်ရတာကို အခုံမင်ဆုံး။ ဒါပေမယ့် သင်္ကြန်ရက်ကိုနေ့တိုင်း အမေ၊အဖေနဲ့ အတူဘုန်းကြီးကျောင်းလိုက်၊ ညနေ ဘုန်းကြီးကျောင်းကပြန်မှ ကိုယ်ဖတ်ချင်တဲ့ စာအုပ်ကို ဖတ်ခွင့်ရတယ်။ မ နက်ကိုးနာရီမထိုးခင် ဘုန်းကြီးကျောင်းသွားရတဲ့အခါ ကားလမ်းကိုဖြတ်အကူးသင်္ကြန်ကားတစ်စီးဖြတ် သွား တိုင်း အော်ဟစ်ဆူညံသွားတဲ့ သူတို့အပျော်ကို ဘာတွေပျော်နေကြပါလိမ့်လို့နားမလည်သလို၊ လမ်းပေါ်အိုင် ထွန်းနေတဲ့ရေတွေကို ကြည့်ပြီး ရေတွေကိုအလကားဖြုန်းပစ်နေကြတယ်ဆိုတဲ့ အတွေးကိုလဲအင်္ဂါတို့တွေးလို့ မဆုံးဘူး။ ဒီလိုပြောလို့ သင်္ကြန်ကားနဲ့မလည်ဖူး ဘူးလားဆိုတော့ မဟုတ်ပါဘူး။ လည်ဖူးပါတယ်။ နေပူထဲ ရေအပက်ခံရသည့်ကိစ္စကလဲ စိုလိုက်ချောက်လိုက်ဘာမှပျော်စရာရှာမတွေ့။ ဒီကြားထဲ ရေထုပ်နဲ့ပေါက်သူ၊ ခွက်စောင်းခုပ်သူတွေကလဲမရှား။ မျက်နှာတည့်တည့်မှ တမင်ရွေးပက်သည့်သူလဲကြုံတာပင်။ သင်္ကြန်ကားနဲ့လည်ဖို့ဆန္ဒမရှိတော့ မိဘတွေနဲ့ ဘုန်းကြီးကျောင်းလိုက်တော့လဲ ငယ်တုန်းတော့ အဆင်ပြေ တာပင်။ အသက်အရွယ်လေးကလဲ ကလေးမကလူကြီးမကျတဲ့အရွယ်လဲရောက်ရော အဖြူ၊ အညိုကိုဝတ်ပြီး ဆွမ်းချိုင့်ဆွဲ အမေ့နောက်ကအလိုက် ယောဂီရော၊ ဥပုဒ်သည်ရောချမ်းသာမပေးချင်တဲ့ သကောင့်သားလူ ရမ်းကားလက်ထဲက ရေခွက်ကိုဟန့်တားတာလဲမရ။ဇွတ်ဆွဲလောင်းဖို့ ပြင်နေတာ ကြောင့် ဒေါသကထောင်းခ နဲထ။ မဆင်ချင်နိုင်ခင်ပြုလိုက်မိတာက ရေခွက်ကိုစောင့်ဆွဲပြီး ကတ္တရာလမ်းပေါ်လွှင့်ပြစ်လိုက်ခြင်းပါ။ အင်္ဂါ့ ဒေါသကို အဲ့ဒီ့နည်းနဲ့ ထိန်းလိုက်ပေမယ့် အင်္ဂါ့အမေရဲ့ပျက်ထွက်သွားတဲ့မျက်နှာနဲ့ ရေခွက်နဲ့ကတ္တရာလမ်း ထိခတ်သံကြောင့် ၀ိုင်းကြည့်နေတဲ့ လူတွေရဲ့မျက်လုံးပေါင်းများစွာ။ အဲ့ဒီ့တစ်နေ့လုံး ဘုန်းကြီးကျောင်းမှာ ဘ ၀င်ကိုမကျပါဘူး။ အင်္ဂါ့အမေကလဲ ဘုန်းကြီး ကျောင်းမှာ တစ်ခွန်းမှစကားမဟပါဘူး။ အိမ်ပြန်ရောက်လဲ ဘာ စကားမှကိုအစမဖေါ်တာပါ။မနက်ရောက်တော့ ဘုန်းကြီးကျောင်းသွားဖို့ ရေချိုးဖို့ပြင်တော့“ဘုန်းကြီးကျောင်း မလိုက်နဲ့။ စာအုပ်ကိုညနေမှငှားဖတ်”ဆိုတဲ့အင်္ဂါ့ အမေအပြော။ အင်္ဂါ့အကြိုက် စာအုပ်ပုံထဲဇောက်ထိုးစိုက် သွားသလိုပါပဲ။ အင်္ဂါ့ကိုအမေမပြောပေမယ့် အစ်ကိုတွေက တစ်ဆင့်ပြန်သိရတဲ့ အမေပြောတဲ့ စကားက “မိုက်တိမိုက်ကန်းနဲ့”တဲ့။
အဲ့ဒီ့လိုနဲ့ဆယ်တန်းဖြေထားပြီး စာအုပ်ပုံထဲကမထတဲ့အင်္ဂါ့ကို အမေ့ရဲ့စာအုပ်ပုံထဲကဆွဲနှုတ်နည်းက ကွန်ပျူတာသင်တန်းတက်ခိုင်းခြင်းပါ။စာအုပ်တွေရွေးဖတ်မ၀သေးတာကြောင့် သင်တန်းသာသွားနေရတယ် စိတ်ဝင်စားမှုကဇီးရိုးဆိုရင် မမှားပါဘူး။ Basic ကနေ Advanceလဲရောက်ရော စာမေးပွဲတွေပါပါလာပြီဆို တော့ ဖတ်ချင်တာတွေခဏချပြီး သင်တန်းကစာကိုအရင်လုပ်၊ သင်တန်းကစာမေးပွဲပြီးရင် အပြင်စာအုပ်ပြန် ဖတ်လိုက်နဲ့ အင်္ဂါ့ဝါသနာက စာဖတ်ရာကနေစာရေးချင်လာတာပါပဲ။ စာတိုပေစတွေရေးပြီးပြစ်ထားခဲ့တိုင်း သိမ်းဆည်းရတဲ့ အမေတွေ့သွားပြီး တစ်ခွန်းတည်းပြောပါတယ် “စာရေးတာ စိတ်ကူးယဉ်တဲ့အလုပ်၊ ချမ်း သာမဲ့အလုပ်မဟုတ်ဘူး”တဲ့။ အင်္ဂါ့အတွေးမှာ ဒက်ခနဲရိုက်သွင်းလိုက်တဲ့အမေ့စကားပါ။ အင်္ဂါမချမ်းသာချင်ပါ ဘူး။ ချမ်းသာလဲ ထမင်းသုံးနပ်ပဲစားရမယ်ဆိုတာ အင်္ဂါ ကောင်းကောင်းနားလည်ပါတယ်။ ဒါပေမယ့် အင်္ဂ့ါ အမေကိုတော့ အင်္ဂါစိတ်ချမ်းသာစေချင်တယ်။
ဆယ်တန်းအောင်လို့ အဝေးသင်တက်ရင်းအင်္ဂါအလုပ်လုပ်ပါတယ်။ အလုပ်အားတိုင်းလုပ်တတ်တဲ့ အလုပ် ကတစ်ယောက်တည်းသော သူငယ်ချင်းလေးနဲ့မြို့ထဲပတ်၊ လူတွေကိုလျှောက်ကြည့်၊ ဘ၀အကြောင်း ပြော ဖြစ်ကြသလိုသူ့အိမ်အကြောင်းအကြံဥာဏ်ပေးရင်း ကိုယ့်အကြောင်းလဲတစ်စွန်းတစ်စရင်ဖွင့်ဖြစ်ခဲ့တယ်။ အ ရင်ကအိမ်မြဲခဲ့တဲ့အင်္ဂါ အလုပ်လုပ်ကျောင်းတက်ရင်း အလုပ်ပိတ်ရက်ဆိုအမေ့အနား လဲမကပ် အင်္ဂါ့ကိုဖမ်းလို့ မမိတော့တဲ့အထိကို အင်္ဂါလမ်းသလားတိုင်း အိမ်ရှေ့ထွက်မျှော်နေတတ်တဲ့အမေ့ကို အိမ်ပြန်ချိန်နောက်ကျ တိုင်း မျက်နှာချိုသွေး ပြုံးရီပြခဲ့တဲ့အင်္ဂါ။
ဘွဲ့ရပြီး သုံးနှစ်ကျော်တိတိ သာမန်အလုပ်လေးမှာ၊ ကိုယ်နဲ့အံဝင်ခွင်ကျမဖြစ်တဲ့အလုပ်မှာ သည်း ခံနည်း မျိုးစုံ၊ စိတ်ရှည်နည်းမျိုးစုံနဲ့ အလုပ်ကိုထမင်းမေ့ဟင်းမေ့အထိ ကြိုးစားပြီးချိန်မှာတော့ ကိုယ့်ရဲ့ကြိုးစားမှုရယ် လုပ်ဖော်ကိုင်ဖက်အစ်ကိုရဲ့ကူညီမှုရယ်နဲ့ သူဌေးအတွက်မျက်နှာပန်းလှတဲ့စီးပွားရေးတစ်ခုဖြစ်ခဲ့တယ်။ ဒါပေ မယ့် အင်္ဂါတစ်ယောက်အူမကြီးခဏခဏရောင်တဲ့ရောဂါနဲ့ အမေဆေးခန်းလိုက်ပြပေးရတိုင်း ဆရာဝန်ကို တိုင်နေတဲ့ အမေ့ပုံရိပ်ကိုမြင်ရတိုင်းပိုပိုသေချာတဲ့အတွေးက အင်္ဂါလိုချင်တာ အဲ့လိုဘ၀မျိုးမဟုတ်ဘူး ဆိုတာ ပါပဲ။ အင်္ဂါတစ်ယောက် ခပ်မြင့်မြင့်နဲ့ ခပ်ဝေးဝေးကိုပျံချင်လာတာ အဲ့ဒီ့အချိန်က အမေဘယ်ရိပ်စားမိလိုက်ပါ့ မလဲ။
အလုပ်တစ်ဖက်နဲ့ပဲ၊ အိပ်ချိန်တွေဖဲ့ပြီး သင်တန်းတွေပြန်တက်၊ သင်တန်းလဲမပြီးတပြီးအဖြစ်မှာ passport လဲ လက်ထဲရောက်၊ အစ်ကိုတစ်ယောက်လျှောက်ပေးတဲ့ကျောင်းကလဲကျပြီဆိုတာနဲ့ အင်္ဂါတစ်ယောက် သွေး နားထင်ရောက်တော့တာပါပဲ။ သွေးနထင်ရောက်လို့မှ မဆုံးသေးဘူး အဆုတ်မှာ အစက်ရှိတယ်ဆိုတဲ့ ဆေး စစ်ချက်အဖြေကြောင့် အင်္ဂါတစ်ယောက်ခေါင်းကိုမိုးကြိုးအပြစ်ခံရတဲ့အတိုင်းပါပဲ။ တော်သေးတာက အစ်ကို့ ရဲ့အသိ သူငယ်ချင်းအစ်မတစ်ယောက်ကပဲ ဒီကဆရာဝန်မရဲ့လိပ်စာကိုလှမ်းပေးပြီး သူ့ဆေးစစ်လက်မှတ်နဲ့ သူ့ဆေးကိုသောက်ပြီး အလုပ်ဆက်လုပ်နေခဲ့တယ်။ သင်တန်းတစ်ချို့ကိုလဲပြန်တက်နေခဲ့တယ်။ သင်တန်း ကအပြန်နောက်ကျတာကြောင့် ဘယ်တော့မှမကြိုဖူးတဲ့အင်္ဂါ့အမေ လမ်းထိပ်ထွက်ကြိုနေတာကိုလဲ သိပ်ဂရု မထားမိခဲ့တဲ့အင်္ဂါ။
အင်္ဂါ့အဖြစ်က မွေပူရာကင်းမှောက် ဆိုတဲ့အတိုင်းပါပဲ မနက်မနက်ရေထတင်တဲ့အဖေ၊ လမ်းပေါ်ကရေချမ်း စင်ကိုရေဖြည့်နေတဲ့ အခိုက်မီးတင်စက်ရဲ့ အချက်ပေးအော်သံကို ကြားပုံမရတာကြောင့် အိမ်ပေါ်ထပ်က ပြေး အဆင်း လှေကားသုံးဆစ်ကို ညာခြေခေါက်ကျသွားပါတော့တယ်။ လဲကျသွားမပေမယ့်တော်တော်တော့ အီ စလံဝေသွားတဲ့ခံစားမှုပါ။ ဒီလောက်နဲ့အမှတ်မရှိတဲ့ အင်္ဂါကအလုပ်ကိုသွား ဖြစ်အောင်သွားလိုက်ပါသေး တယ်။ အလုပ်ရောက်လို့ တစ်နာရီလောက်လဲကြာရော ညာဖက်ခြေထောက်တစ်ခုလုံးထောက်လို့မရတော့ တဲ့အပြင် ရောင်ရမ်း နာလာလိုက်တာ မငိုတတ်တဲ့အင်္ဂါ ငိုမဲ့မဲ့ဖြစ်လာတဲ့အထိပါပဲ။
အလုပ်တူတူလုပ်တဲ့ညီမရဲ့အကူနဲ့ Taxi ငှားပြီးအိမ်ပြန်ဖို့ပြင်တော့ Taxi ဆရာက အကြောပြင်ဆရာကို သိ တယ်ဆိုပြီးခေါ်သွားပေးတဲ့နောက် မယုံတစ်ဝက်၊ ယုံတစ်ဝက်နဲ့လိုက်ခဲ့တဲ့အင်္ဂါ။ ဆေးစည်းပြီး အမေရှိတဲ့အိမ် ကိုပဲအပြေးပြန်တဲ့အင်္ဂါ။ လှေကားသုံးထစ်ကို မတက်နိုင်လို့ဒေါသကြီးနေတဲ့အင်္ဂါ့ကိုအမေမြင်တော့ မျက်နှာမ ကောင်းရှာဘူး။ ဒီတော့မှ ကိုယ့်မျက်နှာကိုယ်ပြန်ပြင်ပြီး ခပ်အစ်အစ်ရီခဲ့တဲ့ အမေ့ ရဲ့အင်္ဂါပါ။
အင်္ဂါ့ရဲ့အခက်အခဲတွေက ဒီလောက်ပဲလားဆိုတော့ မဟုတ်သေးဘူး။ အင်္ဂါဒီကိုထွက်မလာခင်မှာ ၂၀၀၈ မေမှာနာဂစ်မုန်းတိုင်းဖြစ်သွားခဲ့တယ်။ အဲ့ဒီ့ညက အမေနဲ့အင်္ဂါစကားတွေတော်တော်ပြောဖြစ်ခဲ့တဲ့ည။ တော် တော်နဲ့ အိပ်မပျော်ခဲ့တဲ့ည။ အဲ့ဒီ့လိုနဲ့ မိုးတွေတစ်ဖြောက်ဖြောက်ရွာရာကနေ လေတွေထန်မိုးတွေလဲ သည်း ရော ဘေးခြံကအိမ်မရှိဘဲ ကွက်လပ်ချည်းဖြစ်နေတာကြောင့် တိုက်သမျှလေက အင်္ဂါတို့အိမ်ကို တွန်းတွန်း လှုပ်နေသယောင်။ မနက်လင်းအားကြီးလေ မိုးကကြီးလေ။ လေတိုက်လို့ အိမ်လှုပ်နေတိုင်း အမေကအိပ်ရာ က ကုန်းကုန်းထ။ အင်္ဂါက အမေ့ကိုစိတ်ပူတာကြောင့် အိပ်ယာကအထမခံဘဲ ရင်ဘက်ကနေဆွဲဖိထား။ အဲ့ဒီ့ လိုနဲ့ မနက်လဲလင်းရော အိမ်ကသွပ်သုံးချပ်ကွာပါလေရော။ မိုးလေစဲတော့ ယောင်္ကျားသားတစ်ယောက်မှ မရှိတဲ့ အင်္ဂါတို့အိမ်အတွက် အမေသွပ်ရိုက်ဖို့သံအရှာထွက်ရသလို ရှိသမျှသံလေးနဲ့လက်ခစားလက်သမား တစ်ယောက်ကို သံကိုဟိုလိုရိုက်၊ဒီလိုရိုက်နဲ့အားမရနိုင်တဲ့အင်္ဂါ။ အိမ်အမိုးလုံတော့ မိုးထဲရေထဲဒူးဆစ်လောက် မတက်စဖူးတက်နေတဲ့ရေထဲ သောက်နေရတဲ့ဆေးပြင်းတွေကြောင့်နေထိုင်မကောင်းဘဲ ကျိုးကျနေတဲ့သစ် ကိုင်း တွေအဆယ်ထွက်၊ အရှင်းထွက်ရသေးတယ်။ မိုးလေကင်းလို့ အိမ်အနီးနားပဲကြည့်ကြည့် မြို့ထဲပဲကြည့် ကြည့် တုံးလုံးပက်လက်ဖြစ်နေတဲ့ သစ်ပင်တွေကြောင့် ပူနေတဲ့နေအရှိန်က ပိုပူလာသလိုခံစားရသလို အင်္ဂါ့ရဲ့ စိတ်ကူးက ပိုပိုသေချာသွားတယ်။ အင်္ဂါ့မှာလုပ်စရာ တွေတစ်ပုံကြီးရှိနေတယ်။
အဲ့ဒီလိုနဲ့ အင်္ဂါ့လုပ်ချင်တာတွေကိုအကောင်အထည်ဖော်ဖို့ဆိုတဲ့စိတ်ကူးနဲ့ လေဆိပ်ထဲအ၀င် အစ်မ တွေနဲ့အမေ့ကိုမချိပြုံးနဲ့နှုတ် ဆက်ပြီးအဖေ့ကိုရှာတော့ ကားပေါ်သွားနှင့်ပြီဆိုတဲ့အမေ့ရဲ့လက်ဟန်ခြေဟန် အမူအရာ။ အင်္ဂါတစ်ယောက် အမေမပါဘဲပထမဦးဆုံးခရီး ထွက်ခဲ့ရခြင်းပါ။ လေယာဉ်ပေါ်ရောက်တော့လဲ အင်္ဂါတစ် ယောက် ဘာမှစားမ၀င်။ ဒီကိုရောက်လို့တစ်လတိတိ အင်္ဂါ့လည်ချောင်းထဲ ရေကလွဲပြီး ဘာမှမြိုချ လို့မရခဲ့ဘူး။ အိမ်ကိုဖုန်းခေါ်လို့ အမေက အင်္ဂါ့ကိုဘာစားလဲလို့မေးရင်ဖြေစရာစကားမရှိပါဘူး။ ဘာမှမှစား လို့မှမရခဲ့ တာ။ အမေ့အမေးကိုအဖြေမပေးဘဲငြိမ်နေတဲ့အခါတိုင်း အမေကတစ်ခွန်ထပ်မေးပါတယ် “ အဲ့ဒီ့ကို ဘယ်သူကလွှတ်တာလဲ” တဲ့။ “ကိုယ့် ဖာသာကိုယ်လာချင်ခဲ့တာ”လို့ အမေ့အမေးကိုစိတ်ထဲက အဖြေပေးပြီး တဲ့နောက်ပိုင်း အင်္ဂါ့ကို အင်္ဂါ ခဏလေးဖြစ်ဖြစ်ရှာဖွေတွေ့သွားပါ တယ်။
အဲ့ဒီလိုတွေ အမေကအင်္ဂါ့ကိုအဖြေတွေထုတ်ပေးခဲ့တာတောင် အမေ့အင်္ဂါ့ကိုသိပ်ချစ်ခဲ့ဘူး။ နားမလည်ခဲ့ဖူး ပဲမှတ်ယူခဲ့တာပါ။ အမေ့ဆီက အင်္ဂါသမီးတစ်ယောက်ဘာမှမရခဲ့ဘူးပဲထင်ခဲ့တာပါ။ တစ်ကယ်တော့ အင်္ဂါ အမေ့ဆီက အများကြီးကိုရခဲ့တယ်။ ပထမဦးဆုံးရနိုင်ခဲတဲ့ လူ့ဘ၀ကို အမေပေးလို့ရခဲ့တယ်။ ဆုံးမသွန်သင် ချိန်ရောက်တော့လဲ စကားပုံတွေနဲ့နှိုင်းပြီး နာယူလက်ခံတတ်အောင်သင်ပေးခဲ့တယ်။ စာအုပ်တွေထဲမှာ မှတ် လို့ မကုန်တဲ့ပညာတွေနဲ့ ဘ၀တွေရှိတဲ့အကြောင်း စာဖတ်လေ့ကျင့်ပေးခဲ့တယ်။ စာအုပ်ထဲမှာတင် ဘ၀ရှိ တယ်ထင်မှတ်နေတဲ့ အင်္ဂါသမီးကို ခေတ်ပေါ်ဆွဲခေါ်ပြီး သင်တန်းတွေတက်စေပြီး ဘ၀ရည်မှန်းချက်တွေ မြင့် မားလာ အောင်လုပ်ပေးပြန်တယ်။
အင်္ဂါသမီးက ဒီနေ့ဒီအချိန်အထိဘာမှမဟုတ်သေးပါဘူးအမေ။ ဒါပေမယ့်အမေ့အတွက်တော့ အင်္ဂါ သမီးဖြစ်နေတာနဲ့တင်ကို အမေကျေနပ်နေမှာပါ။ ဒီနေ့ရဲ့မနက် ၈နာရီခွဲဆိုတာကို အမေပြန်တွေးကြည့်နေ ရင် အင်္ဂါသမီးလဲအမေ့ပေးတဲ့ဒီ၈နာရီခွဲကို ကျေးဇူးတင်မဆုံးရှိနေတာပါအမေ။ ရက်ပေါင်းများစွာ။ မိနစ်ပေါင်း များစွာကို အမေစုဆောင်းခဲ့ရတဲ့ အမေ့ရဲ့စုဗူးတွေထဲက တစ်ဗူးဟာအင်္ဂါသမီးပါအမေ။ ဒါပေမယ့် အမေ ..စုဗူးတွေတိုင်းမှာ အကြွေကော ရာတန်ကော၊ထောင်တန်ကောရောထည့်ကြသလို အမေ့သမီးအင်္ဂါရဲ့ စိတ် ကူးထဲမှာ၊ဦးနှောက်ထဲမှာ မကောင်းတာတွေကော၊ကောင်းတာတွေပါ ပြည့်ညက်နေရင် အဲ့ဒါ အမေနဲ့လုံးလုံး မဆိုင်ပါဘူး။ အမေပေးသမျှကို ကောင်းတာတွေချည်းမယူတတ်တဲ့ အင်္ဂါ့ရဲ့ ညံ့ဖျင်းမှုပဲဖြစ်ပါလိမ့်မယ်အမေ။
အမေ…..၂၈နှစ်လုံးလုံးအမေ့ကိုပေါ်တင်ဆိုးခွင့်မပေးခဲ့တဲ့အင်္ဂါ့အတွက် အမေဆိုတာ ဥာဏ်ကြီးရှင်ပါ။
(ဘယ်မွေးနေ့မှ ဒီနှစ်မွေးနေ့တွေလောက် ရင်နာစရာမကောင်းဘူးအမေ။ အမေ့ခြေဖ၀ါးတွေကိုကာကွယ်ဖို့ရည်စူးပြီး ဖိနပ်တစ်ရံနဲ့ ကန်တော့ခွင့်မရခဲ့တာ သုံးနှစ်တောင်ရှိပြီနော်အမေ)
ဆက်ဖတ်ချင်ရင်...
ပြီးပါပြီ
