မေမေသို့တရားလို(သို့)တရားခံ

နှစ်ချို့ဝိုင်တွေပါမေမေ..
ဘုရားမကြိုက် မေမေမကြိုက်မို့
သွန်မှောက်ပြစ်လိုက်တယ်။ ။

မေမေ မသင်ကြားခဲ့တဲ့ ဘာသာရပ်တွေပါမေမေ..
လူတစ်ဦးနဲ့တစ်ဦး ညစ်ပတ်ခြင်းတွေ
ယုတ်မာခြင်းတွေ
ကွက်ကျော်ရိုက်ခြင်းတွေက
ဘ၀ဆိုတာ ကျီးအာသီးလိုပဲလားလို့ တွေဝေစေတယ် မေမေ။ ။

မေမေ ပြောပြောနေကျ
ရိုးသားခြင်းပုံပြင်တွေက
ကလေးဘ၀ အိပ်ပျော်ရုံပဲ နားထောင်ကောင်းခဲ့တာမျိုးလား.....
ရှာဖွေနေမိတဲ့ အမှန်တရားတွေအောက်
စိတ်ဓာတ်တွေ ပြားပြားမှောက်နေတယ် မေမေ။ ။

မေတ္တာတရားဆိုတာ
လိုချင်သူကိုမှ ကန္တာရဖြစ်စေတဲ့
မိုးနဲရပ်ဝန်းမျိုးလား...
ကိုယ့်အတွက်မှ လွဲခြော်သွားရတဲ့ ကံတရားတွေအောက်
ဘယ်သူ့ကိုအပြစ်တင်ရမှာလဲ မေမေ။ ။

လူတိုင်းကိုယ့်စံနဲ့ကိုယ်တော့
ကောင်းကြသူတွေချည်းပဲ မေမေ...
အဆင်မပြေလို့ အပြစ်မြင်လာရင်သာ
ဂရုဏမထား ရန်ဖွဲ့လာတဲ့အခါ
ငါပဲမှန်တယ်ဆိုတဲ့ အတ္တဆွဲနဲ့
ခင်မင်မှုတွေ ပျက်ပြားကုန်တယ် မေမေ။ ။

တစ်ယောက်ကိုတစ်ယောက် ကြင်နာခြင်းဘာသာရပ်ကို
ဘယ်အရပ်မှာ ရှာဖွေဖတ်ရပါ့မလဲ မေမေ....
စိတ်ဓာတ်တွေကြမ်းတမ်းလာတာကို
ဘယ်လိုမေတ္တာစကားမျိုးနဲ့ ချွန်းအုပ်ရပါ့မလဲ မေမေ...
အမူအရာတွေရိုင်းစိုင်း ဘယ်သူ့မှကောင်းတဲ့သူလို့မထင်တော့တာကို
ဘယ်လိုနွေးထွေးမှုနဲ့ ပြုပြင်ရပါ့မလဲ မေမေ။ ။

ဘယ်သူတွေပြောတဲ့ မှန်ကန်ခြင်းတွေလဲ မေမေ....
မုန်းလျှက်က ချစ်ဟန်ဆောင်ရမယ်တဲ့။
ချစ်လျှက်က မုန်းဟန်ဆောင်ရမတဲ့။ ။

မနေတတ်လို့ကူညီရခြင်းတွေထဲမှာ အခွင့်အရေးယူသူတွေလဲ ရှိတယ်။ ။
မယုံကြည်တော့လို့ လှည့်မကြည့်မိတဲ့သူတွေထဲမှာ
ကိုယ့်အပေါ် တစ်ကယ်ကြင်နာတဲ့သူတွေလဲရှိတယ်။ ။
လွမ်းလိုက်တာလို့ပြောပြီး..
လုပ်ချင်ရာလုပ်နေသူတွေလဲရှိတယ်။ ။
မျက်နှာသစ်တယ်ပြောပြီး
မျက်နှာ အဟောင်းကြီးနဲ့ပဲ
အတင်းအနားကပ်လာကြတယ် မေမေ။ ။

အမှန်တရားဆိုတာကြီးကို..
မေမေအော်သလိုသာ..
(လုပ်ချင်ရာတွေလုပ်နေရမှနော်)…လို့အော်ရင်း
ခပ်ထေ့ထေ့ ပြုံးပြလိုက်ချင်တော့တယ်။ ။

စုသဲဖြူ