လောင်းရိပ်

မျှတတဲ့ ၀င်လေထွက်လေလဲ
တစ်ခါတစ်ခါကျတော့ မောပမ်းကျပ်ခဲစေတယ်။ ။

လှပတဲ့ ၀င်္ကပါတွေလဲ
တစ်ခါတစ်ခါကျတော့ သွားလမ်း၊ လာလမ်းတွေ
မှားစေ၊ပျောက်စေတယ်။ ။

သင့်တင့်တဲ့ ရင်နာခြင်းကင်းတရားတွေလဲ
တစ်ခါတစ်ခါကျတော့ ကိုယ့်အတွက်ထက် သူ့အတွက်
ဦးစားပေးဟောမိစေတယ်။ ။

ကျပျောက်ခဲ့တဲ့ အိပ်မက်တွေလဲ
တစ်ခါတစ်ခါကျတော့ သူ့ကိုယ်စား ကိုယ်ကိုတိုင်ရှာဖွေမိစေတယ်။ ။

တစ်ခါတစ်ခါကျတော့
ကိုယ့်ကိုကိုယ် ဟုတ်လှပြီအထင်နဲ့
စွန့်လွှတ် ကြေကွဲ ခံစား ရင်နင့်စေတာကိုမြိုသိပ်မိပြန်တယ်။

တစ်ခါတစ်ခါကျတော့
သူ့ကို ရုတ်ချည်း မုန်းမေ့ပြစ်ချင်မိတယ်။ ။

တစ်ခါတစ်ခါကျတော့
ကိုယ့်အရိပ်ကိုယ်ကြည့် နာကျင်နေမိစေတယ်။ ။

တစ်ခါတစ်ခါကျတော့
သူ့ကို ရင်နာနာနဲ့ ခွင့်လွှတ်နေမိတယ်။ ။

တစ်ခါတစ်ခါကျတော့...
တစ်ခါတစ်ခါကျတော့...
ကျွန်မက လူ့ကျင့်ဝတ်လောင်းရိပ်အောက်မိနေတဲ့
နွယ်ပင်တစ်မျိုးဖြစ်ခဲ့တယ် မောင်။ ။


စုသဲဖြူ