ချစ်၍မုန်းသည်

ကြယ်တွေကြွေဖို့
ဒီကောင်းကင်မှာ
ကြယ်တွေပျောက်နေတယ် ကို....

ဆုတွေတောင်းဖို့
ဒီမျှော်လင့်ချက်မှာ
ကွက်လပ်တွေများတယ် ကို.....

ပန်းခြွေဖို့
လွမ်းနေတဲ့ ရင်ခွင်မှာ
လှမ်းနေတဲ့ လက်တစ်စုံက နွမ်းနေတယ် ကို..

မတွေ့ရှောင်ပုန်း
မေ့နိုးနိုးနဲ့
မျက်စေ့ကိုဖွင့် လွမ်းစိတ်က၀င်
မျက်စေ့ကိုပိတ် ကြေကွဲစိတ်က၀င်
သက်ပြင်းတွေသာ အဖတ်တင်။ ။

တမင်ရည်စူး
မုန်းဖို့လဲ မရွယ်
မေ့ဖို့လဲ မပြင်
ချစ်ရိပ် ချစ်နွယ်..
ချစ်မိုးတွေသာ သည်း.. သည်းလိုက်စေချင်။ ။

စိတ်ကူး နဲ့ ကျိတ်ရူးနေ
အတိတ်ကံတန်ခိုးနဲ့
ခွဲရမယ့်ဟန်ပြင်တော့
ငိုချင်းရှည် မပီသ..
အချစ်.. အချစ်ဆိုတာ...
ငို.. ရီ.. ရွှင်မြူး နေခဲ့ရ ခဏတာသာ။ ။

တွဲခိုလာတဲ့မျက်ရည်..
မပီပြင်တော့တဲ့အပြုံး..
ဘယ်သူ့ကိုပုံချရမယ်မှန်းမသိတဲ့ အပြစ်တစ်ခုနဲ့
ကိုယ့်ရင်ဘတ်ကိုကိုယ် ဆုပ်ဖြဲလိုက်ရတာကိုက“အချစ်”တဲ့လား ကို။ ။

စုသဲဖြူ