အဝေးမှာပြိုတဲ့မိုး

လွဲလိုက်တဲ့ ကံ
ဆိုးလိုက်တဲ့ ဘ၀လို့
မဖြစ်မနေ မငြီးတွားချင်ဘူး....
ကိုယ့်ထက် ချို့တဲ့သူတွေကို
ပြေးပြီး မြင်မိလို့ပါ။ ။

မသေထ္မင်း မသေဟင်းနဲ့
သမုဒ္ဒရာ ၀မ်းတစ်ထွာအတွက်
ဘယ်သူတွေ ဘာတွေ စတေးခဲ့ကြပြီလဲ....
နားလျှံအောင် ကြားနေတဲ့
ရင်နာစရာ ဇာတ်လမ်းတွေလဲ အပ်ကြောင်းထပ်။ ။

ခါးသီးခြင်း အဖုံဖုံ
သိမ်းမရတော့တဲ့ နာကျင်ခြင်းတွေ
ဘယ်သူ့အပေါ် ပုံချရမှန်းမသိတဲ့ ဒေါသ။
၂၁ရာစုကို ဆုံးရှုံးခြင်းမျိုးစုံနဲ့
အမှီလိုက်ရင်း........
ဒို့ရွှေနိုင်ငံကြီးလဲ မီးမှိတ်အိပ်မောကျ။ ။

ကျလိုက် တက်လိုက် စိတ်ဓာတ်တွေနဲ့
သူစိမ်းတွေကြား.....
ခေါင်းမော့ ရင်ကော့ ဟန်လုပ်မိသမျှ
ကိုယ့်အခန်းလေးရောက်မှ အရေခွံခွာချ။
ဝမ်းနည်းမိသမျှ ကျိတ်ကျိတ် ရှိုက်ငို။
ဘယ်သူ့ကိုမှ အပြစ်မမြင်မိခင်
အိပ်ပျော်ချင်သည်။ ။

တစ်နေ၀င် တစ်နေချုပ်
အထီးကျန်ခြင်းကိုသာ
အဖော်လုပ်ပြီး..........
ဒီအချိန်ဆို အိမ်မှာ..ဆိုတဲ့အတွေးနဲ့
ဘယ်တော့များမှ ပြန်ရမယ်မသိတဲ့
နွေးထွေးခြင်း၊ လုံခြုံခြင်း အစုံစုံကို
အလွမ်းတွေ မျက်ရည်တွေနဲ့သာ
မျှော်လင့်ယုံမို့............

အမေရေ.........
သမီးတော့ လွမ်းတယ်
သားတော့ လွမ်းတယ်နဲ့
ဒုက္ခတွေကြားက....
နောက်ပြန်မလှည့်စတမ်း ညာသံတွေပေးနေမိရဲ့။
အချိန်တန်ရင်တော့
အိမ်ပြန်ချင်တာပေါ့ အမေ။ ။

စုသဲဖြူ.....