အဆုံးသတ်

အိပ်မပျော်သေးခင်နဲ့
နိုးထမိတဲ့ စက္ကန့်ပိုင်းလေး
ဖြတ်ခနဲ ပေါ်တဲ့ အာရုံ။
ခဏလေးဖြစ်ဖြစ် နွမ်းလျတဲ့စိတ်။
ယူကျုံးမရခြင်းတွေကို သီကုံးပြီး............
ငါ..... တော်ရာအရပ်မှာ နေထိုင်ပါတယ်။ ။

သူ့ဘေးမှာထိုင်
စကားစစ်ပွဲတွေ အလီလီကျင်းပ
ငါ ကြိုက်တဲ့ ကဗျာတွေ ရွတ်ပြရင်း..........
ငါ့ရဲ့ ညနေတွေ လတ်ဆတ်ခဲ့ဘူးတယ်။ ။

သူ့ အသိုင်းအ၀ိုင်းရဲ့
ချိုးဖဲ့တဲ့အကြည့်တွေ........
သံသယမကင်းတဲ့ မဲ့ပြုံးတွေ.......
ထိုးနှက်တဲ့ စကားလုံးတွေနဲ့.....
ငါ့သံယောဇဉ်ကို အရောင်ဆိုးခံရတိုင်း
ငါ့ဘေးက သူ့ကို မာန်မဲခဲ့ဘူးတယ်။ ။

နင် ငါ့ကိုဘဲ နိုင်တာမလား”
သူတိုးတိုး ရေရွတ်တိုင်း
ငြင်းဆန်မှုမပါတဲ့ အပြုံးနဲ့ ငါဝန်ခံမိတယ်။ ။

မေ့ပျောက်မလွယ်တဲ့ အမှတ်အတေး
နာကျည်းခြင်းကို ပိုးလိုမွေးပြီး.....
မဆီမဆိုင် သူ့ကိုဓားစာခံလုပ်
ငါ့ရဲ့စိတ်ကို ငါကိုယ်တိုင်သတ်
သူ့အသိုင်းအ၀ိုင်းကို စိန်ခေါ်။

အနိုင်အရှုံးလဲ မကွဲပြားခင်........
နှလုံးခုန်နှုန်းလဲ ရပ်မသွားခင်..........
ဝေဒနာတွေလဲ ဒီ့ထပ်ပိုမတိုးခင်......
နှုတ်ဆက်ခြင်းလဲ တရားဝင်မပြုဘဲ
ငါ တော်ရာအရပ်ကို ပြောင်းရွှေ့။ ။

အတိတ်ဆိုတာ အရိပ်ဆိုရင်တောင်
ငါ..........တော်ရာအရပ်မှာမပျော်ပေမယ့်။
ပျော်ရာအရပ်မှာ မျှော်နေမယ့်သူ့ကို......
တမ်းတခြင်း ကင်းကင်းနဲ့ အိပ်ပျော်စေချင်တယ်။ ။

စုသဲဖြူ